السلام عليكم ورحمة الله وبركاته
كنا فى طريقنا الى وادى النطرون
فبتسالنى خالتو اميمة"صلاح واصلاح"
عن سبب انى مش كتبت من فترة ومش نزلت اى بوستات
بصراحة كان ردى ان المدونة بقالها فترة مش بتفتح
وهى فعلا بقالها فترة مش بتفتح
ربنا يهديها
وخلاص انتهى الكلام بخالتو بتهزر معايا وبتقولى ان المدونة عاملة هى كمان اضراب
صحيح يعنى هو اشمعنا المدونة مش تعمل اضراب
خلص الكلام
وقعدت افكر وافكروافكر
عن سبب حقيقى لعدم تدوينى من فترة
فلقيت اسباب كتير فى ذهنى
اول سبب انى كنت وعدت انى هنزل كلمة لابى عن الابتلاء
ولانى خبيرة فمش عارفة انزلها لانها فيديو
فاعتذر انى وعدت ولم اوفى
لكن باذن الله هنزلها
ــــــــــــــــــــــــــــ
تانى سبب ان فى رسالة من ابى الى الشباب
بقالها فترة طويلة قوى معايا وعايزة انزلها
فدعواتكم انزلها باذن الله
ـــــــــــــــــــــــــ
تالت سبب جه فى ذهنى هو حال الدنيا والناس
وانى محتارة اكتب عن ايه ولا ايه
الناس كلها بتشتكى
كل مااروح مكان القى الناس قرفانة وزهقانة من المعيشة والحياة
وناس بتحكيلى عن قصص مرضى وابائهم مش قادرين يدفعوا تمن العلاج
واب مش قادر ياكل ولاده فيضع السم لهم فى الاكل علشان يموتوا مع بعض
و...و...و مأسى كتير كتير
وساعتها استوقفنى مشهد عجيب فى وسط الطريق
وهو طابور العيش
تخيلوا فى طريق سريع
وطابور عيش ناس بالعشرات
يااااااااه
ربنا يرحمنا
ـــــــــــــــــــــــــــــــ
لا ننسى طبعا
البقاء لله فى وفاة الشيخ ماهر عقل
ربنا يرحمه ويتقبله فى الصالحين
ويرزقنا حسن الخاتمة
ـــــــــــــــــــــــــ
نسالكم الدعااااااااااء
ابى باذن الله عنده جلسة يوم الاتنين
ربنا يفك اسرهم يااااااااااااارب
ــــــــــــــــــــــ
جزاكم الله خيرا على تحمل الكلام الغير مرتب ده انا حاسة انى اتكلمت فى الف حاجة كلها مش ليها علاقة ببعض
ـــــــــــــــــــــــــ
السلام عليكم ورحمة الله وبركاته
هناك ١١ تعليقًا:
السلام عليكم
ماشي نحن في انتظار كتابات حضرتك ورسالة أستاذنا
عالعموم الموضوع بسيط جدا شوية تركيز مع اختيار موضوع مناسب يبقي بوست ممتاز مع صورة كويسة
وفقك الله لكل خير
حمد لله ع السلامه اولا
و الحمد لله ان المدونه فتحت
إن شاء الله تنزلى الفيديو قريبا جدا
اما عن الاضراب و العيش و الناس اللى يتموت عيلها و ناس اللى بتنتحر
فشعب مصر له الله
فى انتظار رساله الوالد
اللهم فك أسره هو و من معه
( الحمد لله ادينى جيت المدونه ) و قدرت اوصل
حمدا لله على السلامة
فك الله أسر الوالد الكريم
وفي انتظار رسائله
كلام مش مرتب مين ..ده كلام فى الجون
يا جميل
كل ما تنظري للأوضاع تحسي أنك مو عارفة تعبري ازاى لربما الصمت معبر فى بعض الأحيان
لكن بجد بجد افتقدناك بشدة والحمد لله علي سلامة رجوعك وننتظر بشوق رسالة عمو لنا معشر الشباب
والفيديو ابقي استعيني بحد خبرة يضبط الأمور عاوزين نشوفه بقه :)
وربنا يفك أسر عمو واخوانه قريبا بإذن الله ويرزقكم سعادة الدنيا والآخرة
السلام عليكم ورحمة الله وبركاته
حبيبتي الاء..
ما اخبارك ..؟؟
نحن بانتظار ادراجاتك الجديدة ...
وفك الله اسر والدي ووالدك ..
باركـ الله فيكي
جزيتي خيرا
السلام عليكم و رحمة الله و بركاته
حمد لله ع السلامه يا ختى
و بعدين تعالى هنا
انا مش قولتلك الفيديو بينزل ازاى قبل كده ؟؟
( و لا احنا حنهزر ؟؟)
و بعدين بالنسبه للرساله اللى بقالها كتير اوى دى ( اقول بقالها اد ايه ؟؟؟)
هاتيها اكتبهالك ورد و ابعتهالك و انتى نزليها عندك
اللهم يا رب العالمين فك أسر آبائنا و أخواننا
أيها الظالمون
أفسحوا الطريق
فالإصلاح ُ قادم
لا تتعجبوا من بداية كلامى
فأنا الآن فى مدونة تمتاز بالصراحه
والقوه فى الحق
والجرأه
وهذه سمات الشرقاويه
او نقول
الشرجاويه
وبما اننى دقهلاوى
فحقا ً موضوع حضرتك هو صحيح بيتكلم فى أكثر من حاجه
ولكن فى النهايه كله بيصب فى عبارة واحده
هقولها زى بتوع الشرقيه ومش هخاف
الموضوع بيصب فى عباره بتقول
ربنا على الظالم
اللى نهبها
وفى الآخر
مش عاوز يسيبها
اكرمكم الله اختنا
وتقبلوا مرورى
متخفيش كلام جميل ياستى. ربنا يفك أسر الوالد الكريم.ويرجعه اليكم سالما بإذن الله. معذرة لم اكتب لكى من قبل ولكنى كنت متابعة.انى احبك فى الله
الحمد لله أنا بأكتب بعد نهاية الإضراب
أنا ملتزمة بإضراب مدونتك الكريمة
تدوينة جميلة تقبل الله منا جميعا وجمعنا
دائما على طاعته
الاخ صريح اوى
جزام الله خيرا
وياارب اركز
ـــــــ
اما بقى ام حبيبة
فانا مش مصدقة انك هنا واخيييييييييرا وصلتى للمدونة وعلقتى
جزاكم الله خيرا
وحمدا لله على السلامة ياجميل
وربنا يتقبل دعائك ياام حبيبة
احبك فى الله ونفسى اتعرف عليكى
ـــــــــــ
الاخ خبيب
جزاكم الله خيرا يافندم
وباذن الله قريبا رسالة ابى
ــــــــــــ
حبيبتى خديجة
ربنا يكرمك ياحبيبتى يااارب
دايما مشجاعنى كده
ووحشتينى جدا جدا
ومشكلة القيديو بقى انى مش عارفة حد خبرة بس باذن الله قريبا لاتقلقى
ـــــــــــ
سمية
الحمد لله ياحبيبتى انا بخير
وحشتينى جدا
وابى بيسلم على عمو جدا جدا
ربنا يفك اسر الجميع يااااااااارب
جزاكم الله خيرا ياجميل
ـــــــــــــ
جزاكم الله خيرا يااخ معاذ على كلام حضرتك
ده اطراء انا مش قده
بس بردوه هاقول ربنا على الظالم اللى نهبها ومش عايز يسبها
شرفنى مرورك يافندم
ـــــــــــ
عاشقة فلسطين
منورة ياجميل
ومبسوطة جدا انى شوفتك وعرفتك
جزاكم الله خيرا
اسعدنى مرورك جدا
احبك الذى احببتنى فيه
ــــــــــ
خالتو اميمة
بكون مبسوطة جدا لما بشوف رد حضرتك عندى
جزاكم الله خيرا ياخالتو
وربنا يتقبل
احبك فى الله واسعد دوما بصحبتك
اما بقى صاحبة رسالة
اللى اخيرا عبرتنى وعلقت
ويوم ماتدخل بتقولى ياختى وناقص تديلى قلمين
واقولها الله يسلمك
ايوه يختى قولتيلى على الطريقة بس شككلها غلط
لانى عملت اللى انتى قولتى عليه والفيديو مش نزل
وبالنسبة للرسالة اعتقد من تانية زيارة لابى اخدتها منه
هههههه
وبعدين حضرتك مشغولة
هتكتبيها ازاى؟؟
جزاكم الله خيرا
وربنا يتقبل دعائك
إرسال تعليق